葵芳美食:【前屯門人氣章魚燒登陸葵芳!必食爆多料!超正啖啖明太子章魚燒】- 屯の大阪章魚燒
2020年10月24日10:05

屯門人氣章魚燒返黎啦!呢間位於葵芳的章魚燒小店,以前係屯門洪橋勁出名,長期大排長龍。結業2年後,因舊客戶兩兄弟太掛住個味道終於用誠意打動前店主,最後接手經營東山再起。新店現有9款口味章魚燒,即叫即整款款都好吸引,好似超正啖啖明太子,粒粒章魚燒都有超級多明太子係上面再用沙律醬包圍超級多料絕不孤寒,真係名副其實啖啖都明太子,加上章魚粒外脆內軟綿口感超滿足。另一火炙熔岩芝士脆脆,芝士經火炙後芝士味道更香濃突出,加上脆脆粒口感豐富。

▲超正啖啖明太子($39/8粒) :粒粒章魚燒都有超級多明太子係上面再用沙律醬包圍入口充滿明太子咸香,而章魚粒口感軟綿中間更咬到章魚粒再加大量木魚絲好有口感。

▲火炙熔岩芝士脆脆/超濃香黑松露(雙拼$35/6粒): 經火炙過的芝士香濃味更突出,加上脆脆粒口感豐富。黑松露醬香濃但不會搶走章走章魚燒味道。

▲和風蜜糖芥末($30/6粒): 芥末的微微辣加上蜜糖的甜,甜甜辣辣好易入口。

▲現在有9款味道全時即叫即整,款款都好吸引。

屯の大阪章魚燒

地址:葵芳葵涌廣場3樓摩登世界1號舖

電話:從決

營業時間:12:00-22:30

文字:香港人遊香港 / 圖片:her_food、nat.foodseminar、tommykaichun

The post 葵芳美食:【前屯門人氣章魚燒登陸葵芳!必食爆多料!超正啖啖明太子章魚燒】- 屯の大阪章魚燒 appeared first on 香港人遊香港.

視頻精選
更多新聞